Многу се дискутира за броеви, маски и клупи, но малку за учениците, содржините и методите. Што можеме да научиме од Марија Монтесори?

Прифатете ги предизвиците и не бидете дел од шемата

Првото нешто што можеме да го научиме од Марија Монтесори е храброста пред предизвиците што ни ги претставува животот. Била родена во 1870 година и посетувала техничко училиште, а потоа дипломирала на невропсихијатрија, што во тоа време било револуција.

Денес нејзиниот пример нè повикува да не бидеме парализирани од страв пред ситуацијата на несигурност предизвикана од пандемијата, туку да работиме на тоа да не се лишат правата на учење на нашите деца. Училиштето постковид повеќе нема да биде исто и ова покренува многу прашања, но промената не смее да се доживеат само во однос на ограничувањата што треба да се почитуваат, туку и како можност за обновување.

Одговорност и автономија: „Детето е учителот“

За Марија Монтесори, детето е учителот. Секој има свој индивидуален пат на учење и предизвик на училиштето е да знае како да ги придружува на ова патување на откривање, давајќи му алатки за развој на неговиот потенцијал. Традиционалното учење премногу често ја казнува креативноста, заборавајќи дека секој учи на свој начин и во свое време, експериментирајќи и играјќи.

Состојбата со коронавирусот, која предизвика затворање на училиштата, нè научи да наоѓаме алтернативни начини на настава, а дигиталното се покажа како основна помош.

Можност да се воведат иновации во наставата

Според тоа, постковид-училиштето не смее да го обнови претходниот модел како ништо да не се случило, туку треба да го искористи искуството што го стекнавме во месеците што поминаа.

Технологијата овозможува да се вклучат сите ученици со иновативни содржини и средства, обрнувајќи внимание на образовните потреби на сите, зајакнувајќи ги различноста и особеностите на секој од нив.

Извор