Интернетот е полн со слатки детски видеа, но повремено се појавуваат такви што навистина нè трогнуваат. Токму тоа се случило кога Ванеса Мекнил споделила снимка од разговорот со сопствениот син. На видеото момчето влегува во собата и вели: „Ќе ѝ кажувам на мајката за тебе“.

Мекнил изненадено го прашува: „Која мајка?

Тој одговара: „На мајката со која ќе се оженам… некоја непозната. Кога ќе пораснам, ќе ѝ зборувам за тебе, за тоа кога сум бил мал“.

И токму кога ќе помислиш дека тој веќе те скршил, продолжува:

„Ќе ѝ кажам дека беше многу добра и дека те сакав. И дека правеше убави работи. Понекогаш и се расправав со тебе… иако и натаму те сакам“.

Детската искреност лечи.

Тие неколку реченици го опфаќаат она кон што сите ние се стремиме како родители, а тоа е нашите деца да нè гледаат, да нè паметат и да нè сакаат, и покрај нашите грешки. Тоа е емоционална зрелост која често дури во возрасната доба се обидуваме да ја достигнеме, а ова малечко дете веќе ја покажува.

Коментарите под видеото покажуваат колку луѓе биле трогнати од оваа срдечна детска изјава: „Пушти го ова видео на неговата свадба. Ако неговата сопруга не плаче, прекини ја венчавката“, се вели во еден од коментарите.

@thevanessamcneal I get teary eyed every time I watch this. Watching my son share with me that he’s going to tell his wife about how much I did for him, my beauty, and how much he loves me despite our struggles, filled my heart in ways words can’t describe. This moment is a full-circle reminder that generational trauma doesn’t have to continue. The love, security, and understanding he has in me are a reflection of the healing work we’ve both done — through the conscious parenting I’ve practiced and the personal growth I’ve embraced on my own journey. As a coach, I’ve seen how healing starts within and ripples outward. It’s moments like these that affirm the power of breaking cycles and creating ever living legacies. 💫 #GenerationalHealing #ParentingWithPurpose #BreakingTheCycle #HealingJourney #CoachingFromTheHeart ♬ Lights Are On – Instrumental – Edith Whiskers

Емоционалниот труд има смисла

Мекнил, која вообичаено јавно зборува за лекување трауми и кршење на токсичните обрасци, со ова видео покажува дека родителството значи да работиш на себе, да се извиниш кога правиш грешки и да научиш да поставуваш граници кои самиот си ги немал. И понекогаш се прашуваме дали сето тоа има смисла. Ова момче јасно покажува дека има. Секој труд, секој нежен збор – сè останува запаметено.

Извор